15 49.0138 8.38624 1 1 4000 1 https://wyrta.com 300 0

Wai u Conrad ya ka Nongpoh Solid Waste Management Project

0 Comments

Shillong: U montri rangbah ka jylla, u Conrad K. Sangma, ynne da wai u ya ka Nongpoh Solid Waste Management Project hei emlang u montri ka chnat Urban Affairs, u Hamlet Dohling kam u symbood kongsan.

U Conrad K Sangma da ong u wa ka sorkar jylla chimkhia bha ko wow thooh ki laad wa kammon wow leh ya ki jhep (waste management) katwa kamtæ da pynmih noh ko ya ka Solid Waste Management Policy.

Advertisement ad1

“Dap O dei mynsien wa kmen wa yoh O’u wai ya kani ka kaam kawa da sdang nadooh u 2007-2008 wei e yaroh O leh ya ka sorkar warim wa ka Urban Affairs Department kawa da chynna jngai yeini iwa emkaam tam ha ki sor,” da ong u Conrad.

Ha kani ka yalang da yoh ya ki kyntien lamphrang na u Director, MUDA, u E. Kharmalki, uwa da khana yei rukom krehkaam kani ka State Solid Waste Management Policy kawa thmu wow wanrah ya ka la-ær wa ka rymaw kawa khooid wa jngiar.

Kiwi kiwa da klam ha kani ka sngi toh u Paul Lyngdoh, EM, KHADC i/c Town Committee, Jason Mawlong, MLA, Umsning, Mayralborn Syiem, MLA, Nongpoh, Balajied Ranee, MDC, Nongpoh and C B Syiem, Chairman, Nongpoh Town Committee wa kiwi kiwi.

Advertisement ad1
Advertisement ad1

0 Comments

Leave a Reply