Jowai: Hadien wa booddien ya ka mukotduma Jowai PS Case No.149(6)18 U/S 120 B/34 IPC R/w Sec 8 A (c)/22 (c) NDPS Act R/w Sec 78 JJ Act heiwa da chah kem phra ngut kiwa yahkhmat da u S. Siangjathang Zou ha ka 15.06.2018 na Jowai wa kit hadooh 67,000 tylli ki WY Meta Amphetamine tablets kiwa man leh ki drugs, ynne ka sngi ki pulit ka ANTF (Anti Narcotic Task Force), West Jaiñtia Hills da kem ki sa ya ar ngut.
Ya kini ki ar ngut da kem heipor kamwa 2:00 waje i sngi, wa kynthup ya u Shah Alam Majumdar (32 snem) uwa man kam u Vice-President Ward Commissioner No.6 wa u Gulab Wajid wa khut sin kam u Tinku, kiwa na Natun Ramnagar, Part IV, Dakshin Silchar, Cachar kiwa emkti ha ki kaam khayi drugs.
Kini ki ar ngut da wan ki cha Jowai wow yarap ya ki phra ngut wow lait jamin (Bail) ki, neibhah wa da chah ktah ware i kaam khayi drugs hadien wa chah kem kini ki phra ngut kiwa jooh wanrah ya i drug Meta Amphetamines wa heroin na Myanmar.
Kini ki ar ngut jooh yarap ki wow pynlai yaaw ya kini ki drugs cha ki thaiñ mihsngi wei da kem ya ki na kawi ka kari Wagon R kawa khlem Registration Number wa khlem ki kot ki sla.
Ya kini ki ar ngut da yah hakhmat u Special Judge (NDPS) West Jaiñtia Hills.
Discussion about this post