Shillong: Mynstep ka 14 tarik ha ka Meghalaya Baby League (MBL) 2018 daw em 4 tylli ki dhab wow yalehke wei da yooluti wa daw man ki yalehke kiwa chongchit.
Daw pynman 8 tylli ki yalehke ha ki ar tylli ki madan ha Third Ground wa ha ka Futsal Ground ha Jawaharlal Nehru Sports Complex ha Polo Ground.
Daw sdang ya ki yalehke da ka Unified Gorkha Gators pyrchah ya ka Kickstart FCC Rhinos, heipor 9:30 i step. Ki Rhinos da jop ki ynnin ka tayaw tangwa ki Gorkha Gators toh kiwa kwah bha u jop hadien wa ymye ki u yaleh chisien ha kani ka tayaw wa dadep.
Ka Langsning Greenergy Lions pyrchah ya ka ENE Falcons daw sdang ko nadooh 1:00 waje i sngi. Ka Greenergy Lions ym em yalehke ke ki ynnin ka taywa, tangwa ha ka tayaw wa chwa da jop lut ko ha waroh ki yakhun yong ki kamjooh leh ka Falcons ha kani ka tayaw wa dadep.
Discussion about this post