Jowai: Ynne ka sngi kam chibynta wow leh warom ya ka National Students Day wa 69 da pynman ka seiñ ABVP Jaiñtia Hills yei thung dieñ ha pchem ka Kiang Nangbah Government College, Jowai.
Hachwa wow pynman ya ini i thung tre dieñ da em ka yalang heiwa da yoh yei klam na kawa sikai kani ka thaw puræ ka Monica Lyngdoh kamjooh leh wa na ki dkhot kani ka seiñ.
Ha kani ka yalang da klam chaphang i kaamram ki khynroo khyllood khamtam hei yatoh wa ka imlang sahlang wa ka Bei Rymaw.
Ha kani ka sngi da thung 21 tylli ki tre dieñ heiwa da embynta ki khynnah ka Higher Secondary wa kiwi kiwi yong kani ka College.
Da thung ya ki tre dieñ nadooh ki dieñ soh kam u sapriam, sapieñ, wa kiwi kiwi wei da thoh yei pyrtuid yong ki khynnah wa thung ya ki wow ri wow sumaar ya ki hawa heh wa san ki.
Discussion about this post