Ka Final ka 63rd Subroto Cup International Football Tournament 2024 yong ka U17 Boys da pynman ka ynne ha Dr. Ambedkar Stadium, New Delhi hapyrdi ka Manipur wa Meghalaya.
Ya ka Meghalaya da mihkhmat da ka Myngken Christian HS School, Ri-Bhoi katwa ya ka Manipur da mihkhmat da ka TG English School, Bishnupur.
Ka Manipur da psiah Final ko deiwa jop ya ka Sri Lanka da 1-0 katwa ka Meghalaya won da jop ko ya ka Arunachal Pradesh da 7-0.
Ka yakhun Final ynne toh kawa yoosuk bha wei ym ye wow ong kawon ka liang wow jop heiwa ha ka kylla step ka Manipur da khlan wei da yoh kow thap ha ka minit wa 32 tangwa ha ka kylla miet da khlan ka Meghalaya khamtam chwa u kut ka yalehke heiwa da yoh ki wow thap ha ka minit wa 68 lyngba u Banpliebok wei ka yalehke da kut ko da 1-1, kamtæ da pynman da ka yachut Penalty yow rai yei jop.
Ha kani ka yachut Penalty ka Meghalaya ym ye ko wow thap ya ar tylli kiwa da chut nyngkong ki katwa ka Manipur da thap ko ya waroh ar tangwa manda poi hei wa le, ka Manipur da dat ko cha rood katwa ka Meghalaya da thap ko. Ka Meghalaya da ye biang ko wow thap hei wa soo katwa ya ka Manipur da khanglaad da u Goalkeeper uwa man leh kam u Champion ka Meghalaya wei hadien wa dep chut mar san sien da yoh wow thap 3-3.
Kamtæ da pteiñ yei yahchut heiwa nyngkong da chim ka Manipur kawa da yoh u thap, wei ya ka Meghalaya da wan da u Captain ko wow chut heiwa da dat u cha rood yow pynjop ya ka Manipur da 4-3.
Discussion about this post