Ka Assam Warriors Sports Academy, Guwahati da sñiawsarong ko wow pynbna wa ki le ngut ki khynnah wa chah sikai hapoh yong ka da chah jied ki wow chimbynta ha ka AIFF Sub-Junior League, Pune.
Ar ngut toh kiwa na East Jaiñtia Hills District, kitæ u Forlan Bareh uwa man u khon u Geraldus Pdang na chnong Tluh wa u Ohiwatip Kyndait, u khon u Subash Dkhar na chnong Iongkaluh.
Sa uwi toh u Jacob Malsawmsanga uwa na Aizawl, Mizoram.
U Forlan Bareh wa u Ohiwatip Kyndait toh kiwa da chah jied ha ka Under-14 Category Trials kawa da pynman da ka Assam Warriors Sports Academy ha Deinshynrum Artificial Ground, East Jaiñtia Hills District.
U Jacob Malsawmsanga won toh uwa da chah jied hapoh ka Under-14 Trials wa pynman ka Assam Warriors Sports Academy ha Tlangnuam Ground, Aizawl.
Waroh kini ki le ngut kattu daw mihkhmat ki ya ka Sanjeevan Sports Academy, Pune, Maharashtra ha ka AIFF Sub-Junior League, Pune.
Neilang ka Assam Warriors Sports Academy da e khublei ko ya kini wei da pyn-eh-daw ya ki neibynta ka mynried ki ha ka yalehke Football.
Discussion about this post