Ka yakhun Semi Final wa ar ka 1st War Jaiñtia Hills Invitational Football Tournament 2025 da pynman ka ynnin ka sngi heiwa ka Syndai Pyllun Sports Club da pynrem ko ya ka Padu United Sports Club da 1-0 ha madan Amsohkrut Amshipai, Amlarem Civil Sub-Division.
Kamtæ ka Syndai Pyllun Sports Club da yoh ko u psiah cha ka yakhun Final ka wow man ha ka 17 tarik uni u bnai heipor 2:00 waje i sngi ha kani hi ka jooh ka madan deiwa yakhun pyrchah ya ka Amlarem Social Club.
Ha katai ka sngi pynkut daw em u MLA ka thaaiñ, u Lahkmen Rymbui kam u kongsan, neitæ daw wan emlang haroh u Aibor Khongjee, uwa yalehbol wa pawnaam uwa yahkhmat yong ka ri ha ka rynsan International Tournament wa u BS Hayong, kam u Retired Geologist ka ONGC kam ki symbood kongsan.
Ha kani ka jooh ka sngi pynhaap pyrda, ka Sports and Youth Sub Committee ka seiñ daw pynman haroh ko ki kaam pynwyrngia ya ki paidbah heipor 6:00 waje i janmiet hadooh 10:00 waje i miet wa kynthup ka yakob chaad yakob rwai kam chibynta wow e rynsan ya ki khynroo khyllood wa em sap.
Kiwa kwah u chimbynta ye ki u Phone ha kini ki u Number 8787374071/6909819312.
Kamte ka seiñ khut kyntu kyrsu ko ya ki paidbah hapoh ka War Jaiñtia wa na Ri-loom Khasi Jaiñtia hi waroh kawi wow wan sakhi pynchngaaiñ ya kani ka lympung.
Discussion about this post