Uwi u bru da uiñ u chawah chaneiñ deiwa rahlang wei khlieh ka kurim u ha kawi ka kti deilang waka wait ha kawi ka kti deiwa klam samen samen wei pynkhor bru wei da chong u leh ha kawi ka thaw yang Bus deiwa booh yei khlieh ka kurim u ha chrooh.
Uni u bru toh uwa sa du i snaam hi cha kjat cha kti wa cha ki sula u wei ki paidbah da sdang ki wow yalang oo wei wow riñ Video yeini.
Ini toh iwa da jia ha Purba Medinipur District ka West Bengal haka 14 tarik uni u bnai kawa man leh ka Valentine’s Day wei heijooh i por wa pynman Saraswati Puja heiwa kiwa boon ki bru da boonkaam ki yow pynkhreh yei leh niam.
Uni u bru toh uwa tip kam u Goutam Guchhait (40 snem) wei da suba wa da ah u yei khlieh ka kurim u.
Da suba wa da leh u yeini neidaw wa chrai u yaka kurim wei da wan ki pulit wow kem ya oo.
Ki pulit hadien da chem ki leh yei metyap ka kurim u kawa tip kam ka Fulrani Guchhait.
Kiwa ha-yung da ong ki wa u Goutam toh uwa duna hei bor pyrkhat wei le snem nachwa ha u 2021 da lai kynthiar u chapoh ka thaw kset ya u sing ha Alipore Zoo, Kolkata heiwa da chah pynymsoo u tangwa da ye wow sai oo cha lait heipor wa da sdang u sing wow taan oo.
Discussion about this post