Deilang wa u khon ka kur wa embynta haka Operation Sindoor pynkup burom ka Seiñ Kur Pale

Ka Seiñ Kur Pale haka 3 tarik uni u bnai da pynman ko ya ka yalang kur (General Meeting) ha chnong Umpohwin, Ri-Bhoi.

Ha kani ka sngi, ka kur Pale da yoh ko wow pyndep ya ki kaam waphær waphær yong ka kur ryngkat i sneiñ i kroo na ki waheh wasian wei ya ka yalang da pynlai da u Vice President, u Yokusingh Pale. Da yoh leh yei duwai hawa sdang ka yalang da u Rev. H.L. Pale, katwa ya ka lama kur da pynhær da u Shitlang Pale.

Kiwi de kiwa da e yei klam ha kani ka sngi toh u Ebormi Pale wa u Tbn. B. Pale katwa ya ki kyntien e khublei da yoh da u Delnes Pale.

Ha kani ka yalang, da yoh leh wow pynkup burom ya ki khon ka kur kiwa da lehbha ha ka puræ puthi.

Neiliang u President ka Seiñ Kur Pale, u Elnathan Pale, da kyntu u ya ki kur wow man kiwa emsalon kiwa emakor wei wow em yei mynsien yatylli. Da ong u leh wa i toh u burom i ya kiwa psa i kamjooh ka yung ka sem yong i.

Ha i pynkup burom ya ki khon ka kur ha ki kyrdan waphær waphær, u Dominot Shiliang da man u kam u kongsan heiwa da e u leh ya ki kyntien kyntu ya ka kur wow man kiwa yatylli wei kiwa ya maya wei da e yaroh u leh ya ki khon ka kur kiwa da lehbha ha ka puræ puthi.

Kani ka sngi da man ko kawa chongchit deiwa yoh ya ki rwai wa i chaad na ki khon ka kur.

I pyrtuid kiwa chah pynkup burom:

U Micheal Pale-Indian Army uwa embynta leh ha ka Operation Sindoor

Ka Fancyroda Pale- B.Ed

Ka Ritresha Pale- B.Ed

Ka Pynjngiarhun Pale-BA (Political Science)

U Pakemlang Pale-BA (Khasi)

U Riskemmi I Pale-HSSLC

Ka Amanda Pale- SSLC

Ka Jingkmenlang Pale -SSLC

Ka Enaliza Pale- SSLC

Ka Insamanbha Pale- SSLC

Ka Wansakani Pale-SSLC

Ka Mebiang Pale -SSLC

Ka Mekness Pale-SSLC

Ka Risuklang Pale-SSLC

Ka Wanka Eishuh Pale-SSLC

Ka Rit Pale-SSLC

Ka Marson Pale-SSLC

Ha kani ka sngi ka Seiñ Kur Pale da pynkhle ko leh ya ka Lucky Draw wei ki Number wa pam man ki kamni ha wah:

1st Prize:5802, 2nd Prize:11996, 3rdPrize:11779

Consolation Prize:0140, 5615, 5885, 8840, 4943