Ka Khasi Students’ Union Upper Shillong Circle ynne ka 25 tarik da yoh ko wow ya chong pyrkhat wa ki san tylli ki chnong kiwa em ha Mylliem kiwa kynthup yaka Madan ïing Syiem, Marbaniang, Lyngkien, Pombot wa Demthring deiwa emlang ki waheh chnong yong kini san tylli ki chnong.
Ha kani ka yalang da yaklam yei thmu thied thaw yow booh thaw krehkaam ka chnat chipai yong ka Indian Air Force ha i thaw yong ka Kur Kharsohnoh kawa em ha Madan ïing Syiem, neiliang yong ka chnong Madan ïing Syiem wa ki chnong kiwa em markhap wa kani ka thaw wa jooh em i wan phon wow e yaka No Objection Certificate wow yoh u booh ya kani ka thaw deiwa pynbiej wa daw chna yaka Hospital tangwa neiliang yong kini ki san chnong da pynsñiaw ki yei pyrchah wei ym pdiang ki ya ini.
Hawa yatoh wa ini i bynta, ka KSU Upper Shillong Circle da booh ko yei pyrchah wei ym e laad yaki chipai wow yoh ki ya ini thaw wa kwah ki neidaw wa da yoo wa na i por cha i por wa mih i eh ya kiwa chong chnong kiwa em markhap wa ki thaw wa em ki chipai hadooh ha sor Shillong.
Ka seiñ da pynsñiaw ko yei sñiawngooh ya kini ki san tylli ki chnong ki wym elaad deiwa pynsñiaw leh cha ki Agent kiwa jooh yaleh wow thooh thaw neibyntya ki chipai wow sangeh wow thooh haka thaaiñ neibhah wa ka seiñ ym elaad ko la kammon kammon leh.
Ka kyrwoh na u Shelkitbok Kharbani General Secretary KSU Upper Shillong Circle.