Deiwa chah khi khlieh wei sap sula kynthai pynuiñ paidbah ki pulit ya ki ar ngut wa yooh ya u masi hadooh wa yap

Hadien kattu katni sngi wa da chah tynyap uwi u masi deiwa chah yooh boonsien da ka kari Bolero ha Sikar District ka jylla Rajasthan, ki pulit da kem ki ya ar ngut ki bru uwi uwa 26 snem wa uwi won uwa 46 snem i rta.

Ynnin ka sngi ki pulit da rah ki hakhmat ki paidbah ya kini ki ar ngut hadien wa khi khlieh ya ki wei deiwa sap ki da ki sula kynthai yow sakhi ki paidbah eiwa kini ki ar ngut da paan maap ki na ki paidbah. 

Neiliang ka Rajasthan Police da booh ko leh yei Video wa da leh ko yeini ya kini ki ar ngut deiwa thoh, “I leh khiar ya kiwi kamni u yoh jubab”. 

Ha ka 1 tarik uni u bnai, uni u masi da chah yooh u boonsien ha ka kari Bolero wei ini da jia i ha Nechhwa heipor wa lehkmen bia ka manyung na ka jaitbru Bawaria wei kiwa sakhi da ong ki wa uni u masi da uiñ u cha ki thaw lehkmen yong ki.

Related posts

Chiboon ye dai ki warep ka Garo deiwa em ka rel kit mar ha Mendipathar, ong u Montri ka chnat Agriculture

October 4, 2025

Chah beh kreh ar ngut ki District Judge ha ka High Court uwi wa baamtooh uwi won uwa dih ki mar pynmuaid

October 4, 2025

Wei heipor wa dang uiñ u masi da tyngkhooh u wa ka Bolero wei ini da pynchrai i ya uwa yah ya ka uwa da tyrrah wei yooh ya uni masi boonsien hadooh wa yap. 

Kini ki ar ngut da yut ki na Nechhwa cha Sujangarh wei da rieh ki ha kawi ka thaw rep deiwa riam da ki sula kynthai tangwa da em wa yoo ki wei da pyntip cha ki pulit kiwa da wan kem ki.