Hadooh le snem ye u chah kset deilang ka kuna kawa Rs. 25,000 ya ka bei u pa u khynnah khian wa yah Bike ha Shillong

U SP ka East Khasi Hills, u Vivek Syiem da ong u wa ha kini ki sngi wa dep da yoo ya iwi i Video wa da poor ha rynsan Social Media yeiwa em uwi u khynnah uwa da antaad wa em 4-6 snem i rta wa yah u ya kawi ka Bike khian (wa pynemkaam da i Battery), wei ya kani ka Bike da yah ka leh ha ki luti paidbah ha Shillong.

Ini ym du wow booh ko hei maa ya u khynnah tangwa da tyngkheiñ ko leh ya ka kyndon Section 4 ka Motor Vehicles Act, 1988.

U SP da ong u wa ki khynnah toh ki wym pu tip u pyrkhat ya kiwi ki kari wa lai wa wan, ym sñiawthooh ki leh ya ki Signal, ki liang wa lai ki kari wei manda yah ki kam kani ka Bike wa khian ye wow jia kiwa yah kari ym chynna ki ka wei ye u jia i mynsoo.

Related posts

Khut ki pulit ya uwa yah Scooty uwa chah tyrrah ha ka Bolero Pick-up wow wan u chakhmat

November 7, 2026

Ki Khasi chah kyrriah ki na ki thaw chong dai katwa kiwa em ha Them Metor ym ye u pynkhih | Lai wah Banner ka HANM ha ki yung sah u CM

November 7, 2026

Kamtæ u SP da kyntu u ya ki bei ki pa wym toh u e u yah kari ki khynnah kiwa hapoh 18 snem khamtam ha ki luti paidbah wei toh u chah u yah ki ha ki Park, ki thaw kyndeh-ke wa hapoh pchem yung.

Da ong u leh wa ka Shillong Traffic Police da chimkhia ko yeini wei ki bei ki pa kini ki khynnah ye ki wow chah pynchitom hapoh ka Section 199A ka aiñ Motor Vehicles Act hadooh wow chah kset 3 snem deilang ka kuna kawa Rs. 25,000.