Deiwa e da ka District Award wei pynkup burom ya kiwa sikai da lehkmen Teachers’ Day ha Khliehriat

Ka 65th Teacher’s Day 2026 da lehkmen ya ka ha East Jaiñtia Hills District ha ka yalang wa pynman da ka District School Education Officer (DSEO), East Jaiñtia Hills District ha Khliehriat Higher Secondary School, Khliehriat ynne hei emlang u Deputy Commissioner, u Manish Kumar, u District School Education Officer (DSEO), u R. Diengdoh, u Sub-Divisional School Education Officer (SDSEO), u Onikson Sumer deilang ki khynnah skur, ki NCC, ki Scout & Guides wa kiwi.

U DC hawa e yei klam da sñiawkmen u wow embynta ha kani ka sngi lehkmen Teachers’ Day deiwa kyntu ya kiwa sikai wow man kiwa minot wei kreh chitom hawa chakri ya ka imlang sahlang. 

Da ong u wa kiwa sikai em ki yei kaamram iwa palat bar ya ka kamra skur neibhah wa man ki kiwa ar hadien ka bei wa u pa wow yah sneiñ ya ki khynnah kammon u im ha ka luti wa miat wa bha. 

Da kynmoo u yei chakri u Dr. Sarvapalli Radhakrishnan, u President warim ka India, deiwa ban leh yei emkaam u e yei stat katkam wa yah ka juk wa katni wei wow tip lada toh ki kaam wa thok næ sakhiat. 

Related posts

Poi chei chah thang kari, i mynsoo ki pulit nei yakhih kiwa puræ ka Lovely Professional University du deiwa suba wa em kawa chah slaitbor

September 27, 2026

Chah tooh ki chijur Rs.1 klur hadien wa pynyoorong ya ka spah wei ksiar

September 27, 2026

Ha kani ka sngi da pynkup leh ya kiwa sikai da ka District Award wa kynthup ya u Principal ka Topcem Public School, Campus Meghalaya Cement Ltd. u Sumant Kumar wa ka Head Teacher ka Khliehriat West Government L.P. School, ka Nazariness Nongtdu wa kawa yoh ya ka State Award na East Jaiñtia Hills District ka Respilda Phawa kawa man ka Head Teacher ka Mukhaialong Memorial L.P School.

Da pynphooh ya ka sngi da ki chaad ki rwai wa ki put ki tem na ki khynnah skur ka District.