Deiwa kynmoo kyrpang ya ki soo tylli ki hok wa kyrpang ki khynnah, lehkmen Children’s Day ka Loomkyrwiang

Kamwa datiplang wa ka 14 tarik u Khonchonglad toh ka Children’s Day kamtæ ka Dorbar Chnong Loomkyrwiang dei sñiaw maya ya ki khynnah wa chong wa sah hapoh u pood u ang ka chnong da pynman ko ka yachemlang wa kyrpang ki khynnah ha Yungwalieh heiwa da embyntalang leh da ki manbei manpa.

Ha ka yalang wa da pynlai da u Daioolang Pakma, Symbood Waheh Chnong da yoh ki kyntien pdiang burom na ka Heiyoomitre Pakma, Secretary Social Committee, i ngoohblai ngoohsyiem da u S.D.Laloo, General Secretary, LDC katwa ka Wandaka Laloo, Secretary Education Committee, LDC e ko i klam wa kyrpang heiyatoh wa ka Children’s Day.

Katkam ka phang pyrdi yong uni u snem wa ong, “For Every Child-Every Right” ka Wandaka da kdar ko wow klam kyrpang ya ki soo tylli ki hok yong ki khynnah kitæ i hok wow im (Right to Live), i hok wow yoh yei stat i tip (Right to Education), i hok wow yoh yei chait i khiah (Right to Health) wa i hok wow yoh yei baam i dih wa biang (Right to Food).

Hajrong kini ki soo tylli ki hok yong ki khynnah, da kyrsu kyntu ko ya ki manbei manpa, ki waheh wasian wa em ya ki khon, ki kti, ki pyrsa ki ksu ymtoh u man i ki moochynthut ya ka luti i im wei longbru manbru ki khynnah, lada toh ha yung ha sem, ha dong ha chnat, ha ka imlang sahlang emkaam u thooh i ki laad ki luti kammon u leh yow man ka mynried yong ki kawa miat wa bha, khlem da em i sñiaw yaphær næ leh chiliang khmat.

Related posts

Lehkmen ka MPUF yei dap 15 snem | Wan pynskem u Kyrmen Shylla ya ki dkhot thymme

December 6, 2025

Wym em bood ka IndiGo ya ki kyndon hadooh wa sangeh ki lieñsuiñ | Phah ka sorkar wow pynuiñ poisa hapoh ka 7 tarik

December 6, 2025

Iwa kyrpang ong ko leh, nujor ha ki por nachwa wa ki por katni yoo wei chem wa i rukom im ki khynnah da phær bha i wei i wan ka juk yong ka Mobile yoo wa yang i maa wa khroo, heiwa ki khynnah im ki heitæ i man wa samen iwa pynyajngai yeitæ i man i sñiaw yong i yajooh yajan, i ya maya saya para jan yung jan sem, para dong para chnong.

Kamtæ hapyrdi kini ki tynjooh wa khroo, kyrpaad ko ya ki manbei manpa wow man kiwa syndong wa antaad ya ki khon wei wow em da u pood u ang hawa e ha ki khon yeiwon yeiwon. Kamtæ kyrsu kyntu ko ya ki manbei manpa wow man kiwa em i chynna jngai yei miat i bha ki khon ki kti yong ki khnang yow yoh ka yung ka sem, ka chnong ka thaw wa ka imlang sahlang wa miat wa bha.

Ki pynka-it kasar i pynkmen pynsñiawbha kiwa ka dorbar chnong da mang kyrpang ko ya ki khynah ha kani ka sngi toh i saam ya ki tiar, ki baam, wa i ah yow Children’s Day Cake iwa daman hei chimbyntalang da waroh ki khynnah.