Pyndam ka sorkar yei thmu chna Flyover ha Shillong, daw chna noh da u sarok 4-Lane

Ka sorkar jylla da rai ko wow pynkut noh yei thmu wow chna Flyover nadooh na yingkieñ Umshyrpi cha Barik Point ka Shillong wei heithaw kani da rai wow pynheh noh ya u sarok wa da em chwa yow man noh kam u sarok 4-Lane.

U Symbood Montri Rangbah uwa pait ya ka chnat PWD, u Prestone Tynsong da pyntip u wa i rai wow pyndooh noh ya ka Flyover toh hadien wa yasyllok wa ki chipai deilang wa ki bor wa toh u pait ya ka National Highway, heiwa da chem wa ka Flyover toh ka wym ye u pynmankaam.

Da ong u wa i pynkylla da mih i hadien ka yalang wa pynlai da u Montri Rangbah ka jylla, u Conrad K Sangma wei da wan chimbynta leh da u GOC ki chipai.

Related posts

Ka sorkar wai ko ya dwar yong ka, ong u Conrad heiyatoh wa i khut ka VPP wow lai toor cha ka Secretariat

August 5, 2026

Da pynmih hukum yow khang ya kiwa uiñke suwari wa chet baam harood sarok

August 5, 2026

U Prestone da pyntip wa da phah ya ka chnat PWD wa NHIDCL ha ryngkat ki heh chipai wow lai paitlang ki wei wow kheiñ hadooh katwon emkaam thaw, wei ha ka yalang da yaklam wa dang bha wow chna da u sarok 4-Lane bar ya ka Flyover.

Da pyntip u leh wa ki chipai da e ki yei mynjur dei ktien wow e yei thaw wa emkaam hachwa wow leh ya ka sorjamin.