15 49.0138 8.38624 1 0 4000 1 https://wyrta.com 300 0

Deiwa pynemkaam bakla yei pyrtuid u Amitabh Bachchan sdang chah thok ki paidbah ha ki bru wa kam toh kiwa na ka KBC

0 Comments
Advertisement ad1

Jowai: U Superintendent of Police, West Garo Hills, da pyntip u wa hadien wa bna naam bha ka yakob khohpoit namo ka Kaun Banega Crorepati (KBC), ini wa dadep da sdang poi ki message thok lyngba ki WhatsApp wa em ya ki Code wa sdang na u 0092 namo 0091 wa pyntip cha ki wa da jop ki kamwa T. 25 lak chirup wa ka Audio Message na ka program TV ka Kaun Banega Crorepati.

Hadien ini ki damok kiwa pyndur wa man ki kiwa na kani ka KBC da ekhublei ki ya ki bru wa jop deiwa e ya ki No. phone yong kiwa chah thok wa da chah jied ki ha ka khle nasib ka KBC wei ya ka poisa wa jop ki daw thap ha ki Account yong ki.

Advertisement ad1

Hadien ini kini ki damok da e ki sa i Number phone yong ki heh (Executive) yong ki kiwa na ka KBC wei wow phone ya ki khnang wow ye ki u kam ya kani ka poisa wa da jop ki.

Manda phone ki cha kini ki heh kini ki heh (wa thok) deiwa e daw boonjait da phah thap poisa ki cha ka Account Number ka Indian Bank khnang wow yoh ya katæ ka poisa wa jop ki. Da e daw leh wa emkaam wow thap ya kani ka poisa neibhah kani man ko kam ka dan wa yoh ki.

Em ki khep won wa kini ki damok da kylli ki wa lada kwah ki wa u Amitabh Bachchan u ekti u ya ka Cheque pyn ha kti ki.

Kamtæ da kyntu ya ki paidbah wow man ki kiwa husiar wei ymtoh wow chah pynbiej hi-eh ki ha kam kini ki damok kiwa thok, wei wow man kiwa husiar wa ymhoi u e ki ya ka yutip chaphang ka Bank Account yong ki.

Da kyrpaad wa lada yoh ki kam kini ki phone namo message wow lai cha ki thanat, ki Police Outpost namo Beat House kiwa jan dooh wei ye ki leh wow lai cha ka Cyber Crime Investigation Center, Tura namo wow phone ha u No. 03651-222461 namo email ha cybercell.wgh@gov.in

Advertisement ad1

0 Comments

Leave a Reply