U Kevin Lyngdoh Sangriang (15 snem) uwa na Mawkyrwat, South West Khasi Hills da yoh u ar tylli ki takma ksiar (Gold Medal) ha ka 21st National Mountain Bike Championship 2025, wa pynman ha Morni Hills ka Haryana, nadooh ka 28 hadooh 31 tarik u Wisu (Mar).
U Kevin da yoh Gold Medal u ha ka Cross Country Time Trial wa ha ka Cross Country Olympic (XCO).
Ya kani ka yakob da pynman da ka Haryana Cycling Association hapoh i pyrtuid ka Cycling Federation of India.
U Kevin da pynemkaam u da ka Cycle wa chongdor ₹1 lak kawa da e yarap da u Chief Minister ka jylla, u Conrad K. Sangma lyngba ka CM Fund.
“Nga kwah O wow e khublei ya u Chief Minister, Conrad Sangma wa da yarap u ya nga da kani ka Cycle hadooh wa yoh O ya kini ki Gold Medal”, da ong u Kevin.
Ini i jop u Kevin da e mynsien ko leh ya kiwi kiwa ka-it ha kam kini ki jait kaam kamjooh ka luti wa tyrchaaiñ ya oo sam chakhmat.
Discussion about this post