Deiwa pynemkaam da ki kyntien u Soso Tham wanrah u Conrad ya ka mang tangka wa duna Rs. 2,672 klur

U Montri Rangbah ka jylla, u Conrad Sangma uwa pait leh ya ka Muna Tangka, ynne da wanrah u ya ka mang tangka kawa duna Rs. 2,672 klur neiwa ye u pynmih neibynta u snem 2026-27, kawa man hapoh 3.5% ka Gross State Domestic Product (GSDP).

Katkam wa ong u Conrad, i yoh pynlang poisa waroh daw lang ko Rs. 32,000 klur, heiwa i yoh nong da kheiñ antaad wa daw poi ko cha ka Rs. 26,583 klur wei i yoh neiwa pynlut u man ko Rs. 5,417 klur, lait noh i su ram kawa poi Rs. 5,379 klur, wei i yoh lum poisa da kheiñ wa daw poi ko cha ka Rs. 26,621 klur.

U Conrad da ong u wa i pynlut warohlang da kheiñ wow poi ko kamwa Rs. 32,023 klur, wei i lut i sep da kheiñ antaad u man ko Rs. 21,812 klur, heiwa i pynlut u man ko Rs. 10,211 klur. Lait noh i su ya ka ram kawa Rs. 2,731 klur. Wei i pynlut kyllumlang waroh man ko kamwa Rs. 29,293 klur.

Da ong u wa i su ya ka sut yong u snem 2026-27 daw man ko kamwa Rs. 1,540 klur wei i su ya ka bai baam tymmen man ko Rs. 1,980 klur.

Related posts

Kwah ka sorkar wow pynkhian ya i thaw wow tih mooyong na ka 100 Hectare cha ka 10 Hectare

February 23, 2026

Da ujor ya ka FIR pyrchah ya ki soo ngut ki Tourist na Gujarat kiwa pynawri ha Arunachal Pradesh

February 23, 2026

Hawa wanrah ya ka mang tangka yong u snem 2026-27, u Montri Rangbah da sai u leh yei symboh yong u Myllung Soso Tham, kawa ong, “Waroh u bru uwa stat kiyi wa ye u len, lada khlem wai ka laad kammon u ye u wow klam “, heiwa da pynkylla u leh ya kini ki kyntien cha ka ktien English, heiwa da batai u wa ha ka Meghalaya Mission 10, da em 10 tylli ki kabu wa ki 10 tylli ki kular yow pynku ya kiwa chong chnong ka jylla ha ki liang waphær waphær.

Ha kani ka Mang Tyngka, u Montri Rangbah da pynbna u leh ya ka song pisa cha ki chnat krehkaam waphær waphær neibynta u snem 2026-27.