Deiwa pyntip uwa kamai Sumo yoh kem ki pulit yei Heroin wa chongdor Rs. 2 klur

Deiwa ya krehlang ki pulit wa u bru paidbah, da yoh wow kem yei drugs Heroin iwa chongdor Rs. 2 klur hei miet ka 20 tarik ha Shillong.

Yeini i Heroin da yoh wow kem hadien wa uwa yah kari kamai Sumo da lai pyntip u cha ki pulit wa em kawi ka muna wa da ieh hapoh kari u da ki ar ngut kiwa chong kiwa rap yoo suba u heiwa manda wai ya kani ka muna da ki pulit da chem ya ini i drugs.

Ya ini i drugs da chimkti da ki pulit ka Madanrting Police Station heiwa da yoh wow kem 21 tylli ki khieh sabon wa em i Heroin wa khia 253 gms wei da em leh ki that ki nep hapoh kani ka muna.

Neiliang u Montri Rangbah ka jylla, u Conrad Sangma da kular u wow e khusnaam ya uni uwa kamai Sumo yei stat u wow pyrkhat.