Kiwa ri mrad khamtam kiwa ri sñiang wa kiwa rep na kylleiñ ka jylla, ynne ka sngi da lai paidbah ki ha nongbah Shillong deiwa rahlang wa ki khon sñiang yow pynsñiaw ha ki chkoor yong ka sorkar hajrong i eh wa yachem ki deiwa pynyoo leh ki Placard wa em boon kiwa da thoh waphær waphær.
Ya kani ka lai paidbah da pynman da ka Hill Farmers Union wei da sdang najan u mot u Kiang Nangbah wa em hajan Shillong Civil Hospital deiwa lai ter ter cha Barik wei da pynkut won ha madan Malki.
Chwa wow lai paidbah da pynman chwa ka yalang ha kani ka thaw heiwa da yoh yei klam na kiwa rep na kylleiñ ki District.
Ini i lai paidbah toh yow pynsñiaw hajrong i eh wa da maad nei yap ki sñiang, i hiar dor ki mar rep, i wym em ki Policy krehkaam neibynta kiwa rep najrong kiwi kiwi ki jait eh heiwa da wan wow chimbynta ha kani ka lai paidbah nadooh kiwa yahkhmat yong ka Hills Farmers Union (HFU) wa kynthup ya u Commander Shangpliang kam u President, u Allfonbirth Kharsyntiew, General Secretary wa kiwa yahkhmat na kiwi ki District.
Discussion about this post