Deiwa thap 4 kool haka ET rah ka Jalapang ya ka 8th Invitation Knockout Football Tournament

Ka 8^th Invitation Knockout Football Tournament wa pynman da ka Wahiajer Sport Club da pteiñ biang ya ka ynne ha Wahiajer Sports Complex deiwa pyndep ya ka yakhun Final hapyrdi ka Jalapang wa Nongdawah.

Ka Jalapang da jop ko ya ka Nongdawah SC da 6-2 ha ka yalehke kawa yoosuk bha.

Ka Nongdawah da yoh ko wow thap nyngkong ha ka minit wa 40 lyngba u Chanmitre Thma kawa da neh hadooh wa kut ka kylla step heiwa ka ka Jalapang da yoh ko wow su kylliang ha ka minit wa 57 lyngba u Oliver Pale tangwa ka Nongdawah da pyntam biang ko ha ka minit wa 65 lyngba u Shano Tariang ha ka minit wa 65 wei da yoo kam wow jop noh tangwa chwa wow kut ha ka minit wa 80+4 da thap biang ka Jalapang lyngba u Kitbok Pale iwa da pynkut ya ka yalehke da 2-2.

Kamtæ ka yalehke da lai ko cha ka Extra Time heiwa u Kitbok Pale da thap u sa le tylli ki kool ha ka minit wa 87 (ET), 89 (ET), 94 (ET) wa chi kool na u Kynsai Lhuid ha ka minit wa 96(ET).

U Kitbok Pale da yoh u leh yei naam Man of the Match wa Player of the Tournament.

U Stephan Pale na ka Jalapang da yoh u yei naam Top Scorer deiwa thap 7 kool.

Related posts

Sa ha ka Vijay Hazare Trophy yoh spah Run u Kishan Lyngdoh yow pynjop ya ka Meghalaya

December 24, 2025

Pynbna ka Assam Warriors Academy yei pyrtuid kiwa chah jied na ka Trial wa pynman ha East Jaiñtia Hills

December 24, 2025

U Da E Mitre Dan na ka Jalapang da yoh u yei naam Best Goalkeeper.

Ka Jalapang da yoh ko leh ya ka song poisa kawa Rs. 2,30,000 deilang ka Trophy katwa ka Nongdawah da yoh ko Rs. 1,20,000 deilang ka Trophy.

Ha kani ka sngi, u SP ka West Jaiñtia Hills District, u C. Syrti da man u kam u kongsan.