Ka Hynniewtrep Integrated Territorial Organization (HITO), Ri-Bhoi District ynne da kyntu ko ha u Deputy Commissioner ka District wow dawa sangeh noh i khrong poisa tooh na ki kari kit syiar kiwa lai lyngba ka Meghalaya.
Ya ka HITO Ri-Bhoi District da yahkhmat da u President, u Shaniah Nongrum wa ki dkhot heiwa da yachem ya u DC, u Abhilash Baranwal tangwa neidaw wym em u ha Office da e kti ki ha kiwa kreh yong oo.
Neiliang u Shaniah da ong u wa pyrchah joor ki yei khrong poisa tooh na ki kari kit syiar ha u sarokbah National Highway-6 ha Ri-Bhoi District khamtam hawa ym em i sylli ya ki kari da ka chnat Veterinary Department ya kiwa psiah cha jylla.
Chooh chooh da ong u wa ka HITO kyntu ko ya ki bor District wow sangeh noh i khrong poisa wei wow sylli ya ki kari da ki chnat sorkar neibhah lada psiah katwa ngiat ye leh u booh hei maa ya kiwa baam ya kini ki doh.
Discussion about this post