U Symbood Montri Rangbah ka jylla, u Prestone Tynsong uwa man leh u Montri ka chnat Home (Police) hawa e jubab hapoh ka yung dorbar ynne, da pyntip u wa em hi i duna ki pulit wei deiwa daw thung kreh ya ki 3000 ngut ki pulit kiwa dang dep pynbna Result daw ye wow pyndap yeiwa duna.
Da khana u wa kattæ ki kreh hapoh ki Police Station kiwa em toh 1843 tylli tangwa kiwa kreh da em 1431 ngut, ha ki Police Outpost ki kreh wa em toh 503 tylli tangwa kiwa kreh da em ki 380 ngut, ha ki Traffic Branch ki kreh em ki 439 tylli tangwa kiwa kreh da em ki 368 ngut, ha CID da em 121 tylli katwa kiwa kreh da em ki 107 ngut, ha ki SB da em 580 tylli katwa kiwa kreh da em ki 546 ngut.
Waroh ki kreh wa em toh 3486 tylli katwa kiwa kreh da em ki 2832 ngut.
Da pyntip u leh wa katkam wa booh ka Bureau of Police Research and Development da emkaam u em 197 ngut ki pulit ya mar 1 lak ngut ki bru, wei ka jylla ye hi ko wow pyndap yeini.
Heiyatoh wa ki kaam wa dang lait, da ong u wa ini da jia i neidaw wa lai chong-ngiah ki pulit manda toh i por ki, em kiwa kjut wa chitom hadooh kiwa khlaad wei ka sorkar da pynkhreh ko leh wow khut kreh thymme neibynta sa 1000 ngut.
Sa iwi leh ong u wa da pynkhreh wow khut kreh neipor cheipor yow pyndap ya kiwa thylli.
Da khana u leh wa manda pynmih ka sorkar ya ki Police Station wa thymme næ ki Police Outpost, da leh deiwa pyntikna wa em hi ki bru wa kreh wei waroh ki Police Station wa em hapoh ka jylla toh 86 tylli.
Discussion about this post