Ka Supreme Court da khang ko wow pynlait ya ki kot Social Science ki Class 8 wa pynmih da ka National Council of Educational Research and Training (NCERT) hadien wa mih ka lynnong wa pyrtuid ‘Corruption in the Judiciary’ wa pynbaad yei baam-tooh hapoh ki kasari.
Ka miej bichaar u Chief Justice, u Surya Kant, da e Notice ko ya u Director ka NCERT wow pynche yei kynthup ya kani ka phang.
Ka Supreme Court da khang ko wow dai, pynlait wei wow chon biang ya kani ka kot neibhah wa kani ka phang daw ktah ko ya ki khynnah hei mutdur ki ya ki yung bichaar kamjooh i artatien i rukom bichaar hapyrdi ki paidbah.
Chooh chooh da phah pynche ko ya u Director ka NCERT wa neiyi i daw wym pynchitom ya oo hapoh ka Contempt of Courts Act.
Da phah leh wow takit yei rukom thoh wei kammon yohbor wow kynthup ya kani ka lynnong ha ka kot.
Discussion about this post