Uwi na ki khynroo uwa da kyrni hei dih drugs da khana u wa da sdang u wow pynemkaam na ki daw wym tip u tangwa du nei tyrwa ki lok ki jor.
Da khana u wa da pynemkaam drugs u la 5 snem kattu wei da rai u wow kiar noh na ini i kaam sih deiwa yachem wa kiwa yahkhmat ka HYC kiwa da yah oo cha ka thaw sumaar wa tip kam ka Alive Again Foundation ha Guwahati, Assam.
Hawa batai kajiak yeiwa da chem u, da khana u wa hadien wa dadep dih drugs waroh iwa kjut i doh i pran leh wiar i wei ha yung ha sem u leh ym em de i suk tangwa lada yoh drugs lada em samen samen cha khloo leh biang bait.
Da khana u leh wa mar ya wiar i drugs nei doh da sdang i kjut wei lada em hapyrdi ki paidbah wa boon nadooh ki khawai leh da sñiaw kamwa em samen samen wei katni da rai u wow pynyklla thymme noh yei rukom im u.
Hawa kylli da khana u wa neibynta wow yoh u dih drugs da e daw u wow paan poisa na yung wei rap hadien da dai pateiñ u yei drugs yow ye u pynbiang ya idæ tangwa ym jooh ym tooh u wei da paan poisa u na yung yow thied drugs wei da pynmih pisa won u nei drugs wa dai u yow thied drugs u.
Chooh chooh da ong wa da joor kthang i mynsien wei ym yoh thiah yoh dem de wei ym sñiawsuk de wow leh iyi iyi najrong i jynjar wym ye de u chah wei wow batai deilang ki jait kjut wa boon jait.
Da maham u leh ya kiwa kiwa da man kam oo wa toh u ieh noh ki chisiendon yow im deiwa thymme wei kitu ki wym pu em maad wym toh tang u pyrchang ki leh neibhah chisien wa da chah kdoh da eh bha u pyntkut ya u kynjri chah kdoh mroo.
Discussion about this post