Jowai : Hawa kyruiñ cha i chah kem ki san ngut ha ka miet 9 tarik uni u bnai wa kynthup ya u President ka Jaiñtia Student Movement (JSM) Central Body u Dio Kyndait, u General Secretary ka East Jaiñtia National Council (EJNC) Central Council Sambormi Lyngdoh chirup wa ki le ngut ki paidbah kiwa kynthup ya u Miki Lyngdoh, u Join Rymbai wa u Bimol Lyndoh. U President ka East Jaiñtia National Council (EJNC) u ma Shanbok Syad lyngba ka khubor wa phah u da pynsñiaw u ya i sñiaw phylla yeiwa da pharep u Officer In-charge ka Lad Rymbai Police Out Post ya kitai ki san ngut deiwa kynnoh wa pyllai ki ya ka Bar du neidaw wow pynmih poisa ya ka seiñ HNLC.
Da ong wa ini i leh kini ki san ngut man i iwa pyrchah ya ka wei da pynngat ya ki hapoh ki kyndon aiñ 186/188/120 (B) /121/121(A)/506/34 IPC.
Da kam ka seiñ da ong ko wa ini i leh ki bor pulit toh i wow yoohbeiñ yei hok manbru yong uwi pa uwi iwa man leh pyrchah ya ka aiñ.
“Wow phareb ya ki san ngut khlem i sabut man i, i wym ye u pdiang kamtæ ka seiñ da kyntu ko ya uni u heh pulit wow pynsakhiat chirup wa ki sabut wow pynsakhiat yei kam yong ki khnang wa ka yung kasari u ye ko u bichaar deiwa skem” da ong u Shanbok Syad.
Ka seiñ da ong ko leh wa lada em iwon iwon iwa cha lyndet iwa leh ki hei bor samen yong ki ka seiñ ym ye ko u bahkhlieh ya ki.
Kamtæ ka seiñ da kyntu ko ya ki bor ka aiñ wow pyllait noh ya waroh kiwa chah kem weiwow pyndam noh ya ki kyndon wa pynngat ya ki.
Neilaing u President ka WJNC-CB u P.S. Phawa ha ka khubor wa pyllait u da ong u wa lada ym ye u SP u pynmih ya ki daw wa pynhap kyndon ya ki wa yakhmat ka seiñ bhalang hapoh chitayaw toh u kynriah noh ya oo na ka District East Jaiñtia Hills District.
Discussion about this post