15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Diaw mynsien ki arseiñ wa yoh jamin uwi wa slaitbor yaka khynnah

Advertisement ad1

Khliehriat: Ki artylli ki seiñ wa kynthup ya ka Jaiñtia Youth Federation-Bataw Unit wa ka SBYWA lyngba ki ar ngut kiwa yahkhmat u J. Lakhi, President JYF-BU wa u Y. Dkhar Vice-President SBYWA da pynsñiaw ki yei diaw wei chrai hadien wa lait jamin u Hope Dong na ka chnong Lama uwa da slaitbor ya kawi ka khynnah kynthai kawa dang 8 (phra) snem i rta ha u Thohlakhmi (February 2020).

Ki ar seiñ da ong ki wa da chemdien ya ini i leh u Hope hadien chi snem tam heiwa kani ka khynnah da khai sooh ko man ki por katwa kamtæ da chem yeini hadien wa leh ki Doctor ya ka Eksamin.

Hajrong kani ka bynta, neiliang ki tre yung da booh ki ya ka ujor (FIR) ha ka 10-02-2020 wei da kem ya oo da ki pulit ha ka jooh ka sngi wa booh ujor wei wa da pynngat leh ya oo ha ki kyndon aiñ kam ka POSCO.

Ki ar seiñ da pynsñiaw ki yei sñiawkhia iwa khroo wow tip wa du hadien kamwa 6 bnai uni u damok da lait noh u wa ymye u pdiang yeini hakhmat ka imlang sahlang.

Kamtæ ka JYF-BU wa ka SBYWA da beiñ joor ko yei leh uni u damok (Hope) deiwa pynrap leh wow booddien ko yeini khlem chongngiah hadooh wa yoh kani ka khynnah yei bichaar yong ka.

Khaddooh ki arseiñ da dawa ki ya ki bor ka aiñ wow leh ki deiwa khor wei wow pynchitom ya kam kini ki jaitbru kiwa ym em mynsien wyrai de ya ki khynnah kynthai.

Share this:
Previous

Da pynbna yaka Starline Hotel Lad Rymbai kam ka Quarantine Centre

Next

Tyrwa u Vice President wow kynthup ya i dud hapoh ka Mid-Day Meal Scheme