Dih kiad u Principal hapoh kamra wei phah khem doh, thoh kiwa lai puræ cha u CM

U Principal ka GNM Training Institute iwa em ha Bettiah District ka Bihar da em wa yoh wow chondur oo wa dih kiad u hapoh kamra krehkaam u.

Uni u Principal In-Charge wa tip kam u Manish Jaiswal da chah chongdur u deiwa sai ya u klong kiad wei theh kiad u ha Glass hapoh ka kamra krehkaam u wei da emlang leh wa i baam.

Neiliang ki kynthai wa lai puræ Nurse ha kani ka thaw, da thoh ki cha u Chief Minister wa cha u Health Minister ka Bihar deiwa phah lang wa kini ki dur.

Kiwa lai puræ ha ka chithi da ong ki wa hawa u Chief Minister da kwah u wow khang yei kiad, ileh won ym em pynchitom ya kam uni u Principal? Heiwa da ong ki leh wa hap lai puræ ki deiwa tieñ ya uni u Principal uwa muaid. Da kylli ki leh wa iyi i daw wym pynchitom ya kam uni u Principal.

Related posts

Ki Contractor hap ki wow pynbiang ya ki kot ki sla yong kiwa mylla wa wanrah na baar, ong u Shakliar

May 16, 2025

Pyrchah ka JSU Jowai Circle yei pynman tamasa hajan ka Civil Hospital

May 16, 2025

Uni u Principal In-charge da pynche u wa kini ki dur toh ki warim wei da em kiwa choon ya oo kiwa da ya sooh buit wei da pynchlur ki leh ya kiwa lai puræ wow ujor pyrchah ya oo wot hadien wa da dep u wow pynche.

Kiwa lai puræ da ong ki wa dadep ki wow pyntip cha ka chnat ya kini ki kaam uni u Principal deiwa pynyoo ya ki dur wei u Director Principal Nursing, u Dr. Sunil Kumar Jha da phah u ya u Civil Surgeon ka Bettiah wow takit yeini wei hadien wa pyndep ya ka takit da chem wa lehbakla uni u Principal tangwa ym em chah pynchitom u.

Kiwi de ki dur yong ki kaam wa leh uni u Principal da poor bha ki heiwa da em leh kiwa pynyoo wa phah khem doh u.