Ka Dulong CC da jop ko da 8 Run ya ka Khimusniang CC haka yalehke ynne ka sngi yong ka District Cricket League 2026 wa pynlai da ka West Jaiñtia Hills District Cricket Association.
Ya ka kylla-khlem da jop da ka Khimusniang kawa da jied wow kawang bol nyngkong. Kamtæ ka Dulong da lai ko kamai 187 Run deiwa haap lut waroh ki Wicket ha ki 28.4 Over. Na kiwa Bat da em 2 ngut kiwa yoh nod wa 2 ngut kiwa lehbha, kitæ u Marshall Pariat uwa yoh 64 Run na ki 56 bol wa kynthup ya kawi ka 6 Run wa 7 tylli ki 4 Run wa u Sanki Pakyntein uwa kamai 39 Run na ki 36 bol wa kynthup ya kawi ka 6 Run wa 4 tylli ki 4 Run. Na kiwa kawang bol ka Khimusniang, u Lumporlan Passah da yoh u pynhaap 3 Wicket na ki 3.4 Over katwa u Kenite Bareh won da yoh u pynhaap 2 Wcket na ki 5 Over.
Ka Khimusniang hawa beh ya ka thong da yoh ko 179 Run na ki 30 Over deiwa haap 9 Wicket, kamtæ da rem ko da 9 Run.
Napyrdi kiwa Bat yong ka, u Rimioo Syih da kamai u 29 Run na ki 30 bol wa kynthup 6 tylli ki 4 Run, u Mar Arki Patwet won da kamai u 26 Run na ki 22 bol wa kynthup ya 4 tylli ki 4 Run katwa u Shlurbha Lakhon won da kamai u 21 Run na ki 28 bol wa kynthup ya 2 tylli ki 4 Run.
Na kiwa kawang bol yong ka Dulong, u Marshall Pariat samen da khyrwit u 5 Wicket katwa u Heimonmi Kyndiah won da yoh u 2 Wicket na ki 6 Over.
Yei naam Man of the Match da yoh rah da u Marshall Parat na ka Dulong uwa da lehbha da ka Bat wa ka bol.
Ka yalehke wa bood u pynman ha ka 02-03-2026 hapyrdi ka War Jaintia United pyrchah ya ka The Legends (Lissi Pearl) heipor 9:00 waje i step.
Ya ka Digital Live Score yong kani ka League ye phi u pait ha https://cricheroes.com/tournament/1881561/wjhdca-district-cricket-league-2026/matches/live-matches
Discussion about this post