Ka Evergreen SC & CC da jop ko da 3 Wicket ha ka yalehke wa Khad-le yong ka District Cricket League 2025 ka West Jaiñtia Hills District Cricket Association (WJHDCA) kawa pynman ha Mini Stadium yong ka chnong Khliehtyrshi.
Ka yalehke wa da pynman toh hapyrdi ka Evergreen SC & CC pyrchah ya ka NEAU (ATS), heiwa da jop ya ka kylla-khlem da ka Evergreen kawa da jied wow kawang bol chwa. Ka NEAU hawa Bat da kamai ko 125 Run deiwa haap waroh 10 tylli ki Wicket ha ka 34.4 Over na ki 35 Over.
Ka Evergreen hawa beh ya ka thong da yoh ko 126 Run deiwa dooh 7 tylli ki Wicket ha ka 28.1 Over.
Yei naam Man of the Match da yoh da u Mickey Marngar na ka Evergreen uwa da yoh pynhaap 4 Wicket.
Ka yalehke wa bood u pynman ha ka 15 tari hapyrdi ka Mupliang CC pyrchah ya ka Khimusniang SC hei por 9:00 waje i step.
Ya ka Digital Live Scoring kani ka League ye phi u pait ha https://crichero.es/apps.
Discussion about this post