Ka Goodwill Mupliang SC da jop suk ko ya ka Tympang CC da 9 Wicket ha ka yalehke wa ar ynne ka sngi yong ka District Cricket League 2026 wa pynlai da ka West Jaiñtia Hills District Cricket Association.
Ya ka kylla-khlem da jop da ka Tympang CC kawa da jied wow Bat nyngkong heiwa da kamai ko 135 Run na ki 35 Over deiwa lehbha u Wallambok Nongkhlaw uwa da yoh 27 Run na ki 35 bol wa kyntup ya ki 4 tylli ki 4 Run, u Kenny Phawa (C) won da kamai u 25 Run khlem haap na ki 58 bol wa kynthup ya 3 tylli ki 4 Run. U Sandy Kharshandi uwa kawang bol ka Goodwill Mupliang da lehbha u deiwa yoh pynhaap 4 Wicket na ki 7 Over.
Ka Goodwill Mupliang hawa beh ya ka thong da ye ko u pynjop suk deiwa kamai 136 Run deiwa dooh du chi Wicket ha ki 10.5 Over.
U Byforcestar Dhar da pynyoo u yei sap yong oo deiwa kamai suk 70 Run khlem haap na ki 36 bol wa kynthup ya 2 tylli ki 6 Run wa 13 tylli ki 4 Run. U Sandy Kharshandi da lehbha u sa da ka Bat deiwa yoh 36 Run khlem haap na ki 19 bol wa kynthup ya 2 tylli ki 6 Run wa 4 tylli ki 4 Run.
U Kyntudame Dkhar uwa kawang bol yong ka Tympang da yoh u pynhaap chi Wicket na ki 2 Over.
U Sandy Kharshandi uwa yalehke ka Goodwill Mupliang uwa lehbha da ka Bat waka bol da yoh u yei naam Man of the Match.
Ka yalehke ha ka 25 tarik toh hapyrdi ka Shangpung CC pyrchah ya ka Evergreen Mukhla Mission heipor 9:00 waje i step.
Ya ka Digital Live Score yong kani ka League ye phi u pait ha https://cricheroes.com/tournament/1881561/wjhdca-district-cricket-league-2026/matches/live-matches
Discussion about this post