Ka yalehke ynne ka sngi da man ko hapyrdi ka Lion S &YA pyrchah ya ka Evergreen S.C & C.C. wei ya ka kylla-khlem da jop da ka Lion wei da kam ko wow kawang bol chwa.
Ka Evergreen hawa lai tied nyngkong da kamai ko du 70 run wei da haap ko 9 Wicket ha ka Over kawa 16 wei da em ki 10 ngut kiwa yalehke. U Riki Synrem da man uwa rap paw ynne ka sngi napyrdi kiwa tied yong ka Evergreen deiwa tied u samen 22 Run na ki 21 bol deilang wa ki 4 tylli ki 4 Run. U Deibormi Rangad, uwa kawang bol yong ka Lion da yoh u pynhaap samen 4 Wicket na ki 6 Over.
Ka Lion ha ka pali yong ka wow beh ya ka thong, kiwa tied khmat yong ka da ye ki u pynjop ya ka laing yong ki deiwa tied ki 71 Run du ha ka 6.1 Over khlem haap tang chi Wicket leh. Na kiwa tied khmat yong ka, u Firstbornson Dkhar toh uwa rap leh bha deiwa kamai u samen 53 Run na ki 25 bol deilang 5 tylli ki 6 Run wa 3 tylli ki 4 Run wei chirup wa u Kitboklang Rangad uwa kamai 11 run na ki 13 bol uwa da dat 2 tylli ki 4 Run.
U Deibormi Rangad yong ka Lion uwa yalehke bha ynne ka sngi ha ka kawang bol da yoh u ya i naam Man of the Match.
Ka yalehke mynstep ka sngi toh hapyrdi ka Khliehtyrshi SC pyrchah ya ka Moodymmai SC heipor 9:00 waje i step.
Ya ka Digital Live Score yong kani ka League ye phi u pait ha: https://cricheroes.com/tournament/1406553/wjhdca-district-cricket-league-2025
Discussion about this post