Ka Lion Sports & Youth Affairs, Jowai da jop ko da 3 Wicket ha ka yalehke wa chiphaw yong ka District Cricket League 2025 ka West Jaiñtia Hills District Cricket Association (WJHDCA) kawa da pynman ha Mini Stadium yong ka chnong Khliehtyrshi ynne ka sngi.
Ka yalehke wa da pynman toh hapyrdi ka Mupliang SC pyrchah ya ka Lion S&YA, heiwa da jop ya ka kylla-khlem da ka Mupliang SC kawa da jied wow Bat chwa heiwa da kamai ko 88 Run deiwa haap waroh 10 tylliki Wicket ha ka 24 Over na ki 35 Over.
Ka Lions S&YA hawa beh ya ka thong, da yoh ko 90 Run deiwa dooh 7 tylli ki Wicket du ha ka 15.3 Over.
Yei naam Man of the Match da yoh da u Deibormi Rangad na ka Lion S&YA uwa da yoh khur 2 Wicket.
Ka yalehke wa bood u pynman mynstep ka 11-04-25 hapyrdi ka Mowkaiaw CYC pyrchah ya ka Phramer CC heipor 9:00 waje i step.
Ya ka Digital Live Scoring yong kani ka League ye phi u pait ha u https://crichero.es/apps.
Discussion about this post