Ka Mowkaiaw CYC jop ko da 40 Run ha ka yalehke ynru yong ka District Cricket League 2025 ka West Jaiñtia Hills District Cricket Association (WJHDCA) kawa da pynman ha Mini Stadium yong ka chnong Khliehtyrshi ynne.
Ka yalehke wa da pynman toh hapyrdi ka Mowkaiaw CYC pyrchah ya ka Young Lad’s CC, heiwa da jop ya ka kylla-khlem da ka Mowkaiaw kawa da jied wow Bat chwa wei da lai ko wow kamai 162 Run deiwa haap waroh 10 tylli ki Wicket ha ka 28.2 Over na ki 35 Over.
Ka Young Lad’s CC hawa beh ya ka thong da yoh ko du 122 Run deiwa dooh waroh 10 tylli ki Wicket ha ka 28 Over.
Yei naam Man of the Match da yoh da u Kishan Lyngdoh na ka Mowkaiaw CYC uwa da yoh kamai 93 Run wei da khur u 2 Wicket.
Ka yalehke wa bood u pynman ha ka 7 tarik hapyrdi ka Moodymmai CC pyrchah ya ka Ummulong SC hei por 9:00 waje i step.
Ya ka Digital Live Scoring yong kani ka League ye phi u pait ha u: https://crichero.es/apps.
Discussion about this post