Ka District Cricket League 2024 wa da pynlai da ka West Jaiñtia Hills District Cricket Association ha Khliehtyrshi Mini Stadium, ynne da pynman yaka yalehke hapyrdi ka Mupliang Cricket Club waka Cultural Youth Club Mowkaiaw.
Ya ka kylla-khlem da jop da ka Mowkaiaw heiwa da jied ko u bol chwa heiwa ka Mupliang da ye ko u kamai 145 Run na ki 23.5 Over deiwa dooh waroh ki Wicket deiwa Bat bha u Yoohimiootre Patwet uwa yoh 37 Run na ki 34 bol wa u Dathrang Pariat uwa yoh 33 Run na ki 33 bol, katwa neiliang ka Mowkaiaw kiwa kawang bol wa da lehbha toh u Todan Rymbai uwa yoh 3 Wicket na ki 7 Over.
Ka Mowkaiaw hawa kdong yaka thong da ye ki u poi 136 Run na ki 35 Over deiwa dooh 9 Wicket deiwa kamai boon u Grateful Lyngkhoi uwa yoh 24 Run na ki 27 bol wa u Pyniarmi Sutnga uwa yoh 20 Run na ki 41 bol, katwa neiliang ka Mupliang kiwa kawang bol wa da lehbha toh u Defender Dhar uwa yoh 3 Wicket na ki 7 Over.
Da ini ka Mupliang Cricket Club da jop ko yaka Cultural Youth Club Mowkaiaw da 9 Run.
Yei naam Man of the Match da yoh da u Defender Dhar yong ka Mupliang Cricket Club.
Discussion about this post