Ka District Cricket League ka West Jaiñtia Hills District Cricket Association (WJHDCA) da poi ko cha ka sngi wa ar ynne da ka yalehke hapyrdi ka Mupliang SC pyrchah ya ka Evergreen SC&CC kawa pynman ha Mini Stadium yong ka chnong Khliehtyrshi.
Ha kani ka yalehke ya ka kylla-khlem da jop da ka da ka Evergreen kawa da jied wow Bat wei da lai ko wow kamai 86 Run deiwa haap waroh 10 tylli ki Wicket ha ka 22.4 Over na ki 35 Over.
Ka Mupliang SC hawa beh ya ka thong da yoh ko 88 Run ha ka 14.5 Over deiwa dooh 3 tylli ki Wicket yow jop da 7 Wicket.
Yei naam Man of the Match da yoh da u Defender Dhar na ka Mupliang SC uwa da yoh 4 Wicket wei e du 11 Run na ki 5 Over wa kawang bol u.
Ka yalehke wa bood u pynman mynstep hapyrdi ka Phramer SC pyrchah ya ka Evergreen Mukhla Mission SC heipor 9:00 waje i step.
Discussion about this post