Ynne ka sngi ka yalehke ha ka lympung District Cricket League 2024 wa da pynlai da ka West Jaiñtia Hills District Cricket Association ha Khliehtyrshi Mini Stadium da pynyaleh hapyrdi ka Phramer Cricket Club waka Cultural Youth Club Mowkaiaw (CYCM).
Ya ka kylla-khlem da jop da ka CYCM heiwa da jied ko u Bat nyngkong wei da ye ko u kamai 134 Run na ki 31.1 Over deiwa dooh waroh ki Wicket. Kiwa rap Bat bha na ki toh u Ardakirang Rymbai uwa yoh 62 Run na ki 86 bol wa u Grateful Lyngkhoi uwa yoh 22 Run na ki 27 bol, katwa neiliang ka Phramer kiwa lehbha da ka bol toh u Iaineh Suchiang uwa yoh 4 Wicket na ki 7 Over wa u Ebormi Laloo uwa yoh 4 Wicket na ki 5.1 Over.
Hawa kdong yaka thong, ka Phramer da ye ko u jop deiwa yoh 135 Run na ki 28 Over heiwa da dooh ki 9 Wicket. Kiwa rap kamai boon toh u Deimiki Rabon uwa yoh 48 Run na ki 36 bol wa u Pyrkhat Sari uwa yoh 23 Run na 25 bol, katwa neiliang ka CYCM wa rap lehbha da ka bol toh u Spaining Pyrhut uwa yoh 6 Wicket na ki 7 Over.
Kamtæ ka Phramer Cricket Club da jop ko ya ka Cultural Youth Club Mowkaiaw da 1 Wicket.
Yei naam Man of the Match da yoh da u Iaineh Suchiang yong ka Phramer Cricket Club.
Discussion about this post