Ka lympung yalehke wa tip kam ka District Cricket League 2024 wa pynlai da ka West Jaiñtia Hills District Cricket Association ha Khliehtyrshi Mini Stadium, ynne da man ko hapyrdi ka Phramer Cricket Club waka North East Adventist University Cricket Club.
Yaka kylla-khlem da jop da ka Phramer wei da jied ko u Bat nyngkong, heiwa da ye ko u kamai 302 Run na ki 35 Over deiwa dooh 6 Wicket heiwa da lehbha u Sauni Nongtdu uwa da yoh 90 Run na ki 77 bol, u Nan 80 Run na ki 55 bol, katwa neiliang ka NEAUCC da ka bol da lehbha da u Rikku T Sangma uwa yoh 3 Wicket na ki 7 Over.
Hawa kdong yaka thong, ka NEAUCC da ye ko u kamai du 44 Run na ki 11.5 Over deiwa dooh lut ya waroh ki Wicket heiwa da kamai boon dooh da u Waizer CH Sangma uwa yoh 16 Run na ki 22 bol, katwa neiliang ka Phramer kiwa rap lehbha da ka nbol toh u Nan uwa yoh 3 Wicket na ki 2 Over wa u Monjurlang Suchiang uwa yoh 3 Wicket na ki 7 Over.
Kamtæ ka Phramer Cricket Club da jop ko da 258 Run.
Ya i naam Man of the Match da yoh da u Nan yong ka Phramer Cricket Club.
Discussion about this post