Ka Phramer CC da jop ko ya ka yalehke wa le yong ka District Cricket League ka West Jaiñtia Hills District Cricket Association (WJHDCA) kawa da pynman ha Mini Stadium yong ka chnong Khliehtyrshi ynne.
Ka yalehke wa da pynman toh hapyrdi ka Phramer SC pyrchah ya ka Evergreen Mukhla Mission SC heiwa da jop ya ka kylla-khlem da ka Evergreen Mukhla Mission kawa da jied wow kawang bol chwa heiwa ka Phramer da kamai ko 223 Run deiwa haap 9 tylli ki Wicket na waroh ki 35 Over.
Ka Evergreen Mukhla Mission hawa beh ya ka thong da yoh ko du 105 Run deiwa dooh waroh 10 tylli ki Wicket ha ka 23.5 Over, kamtæ yei naam jop da lai cha ka Phramer yow jop da 118 Run.
Yei naam Man of the Match da yoh da u Hamjngai Lyngdoh na ka Phramer uwa da yoh 3 Wicket wei e du 16 Run na ki 5 Over wa kawang bol u.
Ka yalehke wa bood u pynman mynstep ka 3 tarik hapyrdi ka Lion Sports & Youth Affairs pyrchah ya ka West Jaintia Police CC heipor 9:00 waje i step.
Ya ka Digital Live Scoring yong kani ka League ye phi peit ha https://crichero.es/apps.
Discussion about this post