Yoh ka Pamrapaithlu PHC ya ka Ambulance wa thymme

Ka Pamrapaithlu PHC kawa em hapoh ka Wapung Block, East Jaiñtia Hills, da yoh ko ya ka kari Ambulance wa thymme kawa da wan wow pynlait paidbah da u Montri sorkar, u Kyrmen Shylla ynne ka sngi.

Ya kani ka Ambulance da thied lyngba ka District Mineral Foundation (DMF) Scheme yong u snem 2024-2025 heiwa ya ka yalang e kti ya kani ka Ambulance da pynman ha pchem ka Pamrapaithlu PHC hi.

U Kyrmen hawa e yei klam da pynsñiaw u yei kmen wei da yaroh u leh ya u DC yei krehchitom u wow pynyoh poisa yow thied ya kani ka Ambulance kawa daw yarap bha yeiwa emkaam ki paidbah kani ka thaaiñ.

Related posts

Chlai um ka Jorabat hadien u slap wa joor

August 28, 2026

Chem ka JRC ya ki luti wa pynemkaam ki kari wa chalan masi cha Bangladesh

August 28, 2026

Heiyatoh wa i e dorkhat ka Synjuk Dorbar Chnong yow pynku ya ka Pamrapaithlu PHC cha ka CHC, u Kyrmen da kular wow chimkhia yow rah yeini hakhmat ka Montri wa pait ya ka chnat i chait i khiah deiwa pynrap wa ka sorkar leh ko katwa ye yow e yei sumaar sukhær wa miat tam ya ki paidbah.

Hadien ini da lai pait leh yei kreh ya ka yung krehkaam u Block Development Officer (BDO), Wapung C&RD Block kawa da jan dep i kreh.