Ka West Jaiñtia Police CC da jop ko da 112 Run ha ka yalehke wa khynde yong ka District Cricket League 2025 ka West Jaiñtia Hills District Cricket Association (WJHDCA) kawa pynman ha Mini Stadium yong ka chnong Khliehtyrshi.
Ka yalehke wa da pynman toh ha pyrdi ka Khimusniang SC pyrchah ya ka West Jaiñtia Police CC, heiwa da jop ya ka kylla-khlem da ka West Jaiñtia Police kawa da jied wow Bat chwa heiwa da kamai ko 226 Run deiwa haap 8 tylli ki Wicket na ki 35 Over.
Ka Khimusniang hawa beh ya ka thong da em i pynthut u slap, kamtæ da pynkrehkaam da DLS Method wei da pynkylla ya ka thong cha ka 208 Run na ki 28 Over, heiwa da yoh ko du 95 Run deiwa dooh waroh 10 tylliki Wicket ha ka 26.1 Over.
Yei naam Man of the Match da yoh da u Deventional Lyngdoh na ka West Jaiñtia Police uwa da kamai 36 Run wei khur u 2 Wicket.
Ka yalehke wa bood u pynman mynstep ka 9 tarik hapyrdi ka Mupliang SC pyrchah ya ka Lion S&YA SC heipor 9:00 waje i step.
Ya ka Digital Live Scoring yong kani ka League ye phi u pait ha u https://crichero.es/apps.
Discussion about this post