Taan ki pulit ya kiwa pyrchah Aadhaar kiwa lai toor cha Secretariat ha Shillong

I thmu ka seiñ Awaken India Movement (AIM) ynne ka sngi wow toor cha Secretariat yow pyrchah yei phah pynemkaam ka sorkar ya u Aadhaar da kulmar noh i hadien wa ki dkhot kiwa da emlang u MLA ka North Shillong, u Adelbert Nongrum da chah khang ki ha ki pulit kiwa da taan wei rah leh ya kini ki bru.

Chwa ini, ka AIM da pyman ko ya ka yalang hakhmat u mot u Kiang Nangbah wa em hajan ka Civil Hospital Shillong yow pyrchah joor yei phah pynemkaam ya u Aadhaar.

Ya kani ka yalang da pynman da ka AIM hapoh i yahkhmat u Banshai Marbaniang, Chairman ka Awaken India Movement (AIM), Meghalaya State Council wei da chimbynta da kiwa boon ki manbei, ki waheh najrong u MLA ka North Shillong.

Related posts

Dawa kiwa rep ka Shnongrim wow pynman yei takit wa khlem leh chiliang | E khublei leh ya ka KSU

August 27, 2026

Jop ka H K Singh Memorial Secondary School ya ka District Level Science Seminar ka West Jaiñtia Hills

August 27, 2026

I thmu yong ka AIM toh wow pyrchah yei chah pynbor ki paidbah ki wym pu pdiang ya u Aadhaar ya kiwa em nadooh ha sor wa cha palatsor.

Ka sorkar pyrdi da phah leh Aadhaar ko ya waroh khamtam kitu kiwa yoh myntoi na ki Scheme ka sorkar pyrdi nadooh u khoo rachon, ki Scheme chna yung sorkar, kiwa kreh ASHA hadooh ki khynnah skur wa yaleh Scolarship wa kiwi de.