District Cricket League: Jop ka Young Lad’s CC ya ka Khliehtyrshi S.C.

Ka yalehke ynne ka sngi da man ko hapyrdi ka Young Lad’s CC pyrchah ya ka Khliehtyrshi S.C. Ya ka kylla khlem da jop da ka Khliehtyrshi S.C. kawa da kam wow kawang ball chwa. Ka Young Lad’s CC hawa lai tied nyngkong da yoh lad ko u tied du 135 run na ki 26.1 over neidaw wa pynthut u slap wei da dooh ko 8 wicket. U Heyoomiki Ryngkhlem da yalehke bha u lyngba ka bat deiwa tied samen 37 run na ki 42 ball.

Neidaw u slap ya ka thong da hap wow pynduna cha ka 69 run na ki 13 over heiwa ka Khliehtyrshi S.C. hawa beh ya ka thong da ye ko u tied du 54 run na ki 13 overs wei da dooh ko 6 wicket, wei kani pynman ko ya ka Young Lad’s CC wow jop da 14 run. U Heyoomiki Ryngkhlem yong ka Yound Lad’s CC da yoh u i naam Man of the Match.

Ka yalehke ha ka Dep Sngi Bibar u man ko hapyrdi ka Phramer C.C. pyrchah ya ka Moodymmai S.C. heipor 9.00 i step.