Ka yalehke ka wa soo ynne ka sngi yong ka Under-16 Boys Inter District Cricket Tournament 2025 (Zone-1) kawa da pynman da ka M.C.A ha Madan Thad, Mukhla Mission Village, West Jaiñtia Hillsda man ko hapyrdi ka SCA-B pyrchah ya ka East Jaiñtia Hills Districts CA.
Ya ka kylla khlem da jop daka SCA-B kawa kam wow tied chwa. Ka SCA-B hawa lai tied nyngkong da kamai ko 239 run wei da dooh lut ko waroh 10 wicket ha ka 35.5 over. U Prasant Kumar da tied u 64 run samen na ki 60 ball, u Mannan Surana won da tied u 57 run na ki 41 ball. U Generous Dkhar uwa kawang ball yong ka East Jaintia Hills District CA da yoh khur u 4 wicket na ki 10 over.
Neidaw i pynthut iong u slap ynne ka sngi, ya ka Target da hap wow pynduna cha ka 221 run na ki 42 over lyngba ka DLS Method.
Ka East Jaiñtia Hills Districts CA hawa beh ya ka thong da ye ko u kamai du 52 run wei da hap lut waroh 10 ki wicket ha ka 23.5 over. Kamtæ ka SCA-B da jop ko da 168 run ya ka East Jaiñtia Hills Districts CA. Ya i naam Man of the Match da yoh da u Arav Baraily, u Captain yong ka SCA-B uwa da yoh u khur 6 wicket wei kamai 19 run.
Ka yalehke ha ka Dep Sngi Bibar ka 21/04/25 u man ko hapyrdi ka Ribhoi District CA pyrchah ya ka Eastern West Khasi Hills D.C.A heipor 8.30 i step.
Ya ka Digital Live scoring yong kani ka tournament ye phi u pait lyngba: https://cricheroes.com/tournament/1430009/mca-under-16-boys-inter-district-tournament-2025/
Discussion about this post