Ka District Cricket League 2025 wa pynman da ka West Jaiñtia Hills District Cricket Association (WJHDCA) ha Mini Stadium yong ka chnong Khliehtyrshi, dapoi ko cha ka yalehke wa Khad-Ar ynne.
Ka yalehke wa da pynman toh hapyrdi ka Moodymmai SC wa ka Young’s Lad CC heiwa da hap ki wow hun da mar chi Point.
Ya kani ka yalehke da hap wow pynduna na ka 35 cha ka 28 Over neidaw wa pynthut u slap heipor step heiwa ya ka kylla-khlem da jop da ka Young’s Lad kawa da jied wow kawang bol chwa. Neiliang ka Moodymmai da kamai ko 107 Run deiwa dooh lut ya waroh ki Wicket ha ka 23.4 Over.
Chwa wow sdang ka Young’s Lad wow kdong ya ka thong, dapoi u slap wa joor uwa da neh kattu katni por hadooh wa da dap um ka madan smam. Kamtæ hadien wa pait bniah da ki Umpire heipor 1:45 ya ka madan da rai wa hap wow pyndam noh ya ka yalehke heiwa ki Captain yong waroh ar liang da mynjur ki wei da yoh ki mar chi Point.
Ka yalehke wa bood u pynman ha ka 14-04-25 hapyrdi ka NEAU (ATS) pyrchah ya ka Evergreen SC&CC heipor 9:00 waje i step.
Ya ka Digital Live Score yong kani ka League ye phi u pait ha https://cricheroes/app.
Discussion about this post