Ka Goodwill Mupliang SC da jop ko ya ka The Legend (Lissi Pearl) da 3 Wicket ha ka Semi Final wa nyngkong ynne ka sngi yong ka District Cricket League 2026 wa da pynman da ka West Jaiñtia Hills District Cricket Association, Jowai yow psiah Final.
Ya ka kylla-khlem da jop da ka Goodwill Mupliang kawa da jied wow kawang bol nyngkong. Ka The Legend (Lissi Pearl) hawa Bat da kamai ko du 73 Run na ki 25.3 Over deiwa haap lut waroh ki Wicket. Na kiwa Bat, u Conard Sana toh uwa kamai boon Run deiwa yoh 28 Run na ki 34 bol, pynbood won da u Rainbow Phawa uwa kamai 16 Run na ki 32 bol.
Na kiwa kawang bol ka Goodwill Mupliang, u Greatestful Lyngkhoi, u Defender Dhar wa u Levestar Phawa da yoh ki u pynhaap mar 3 Wicket samen.
Ka Goodwill Mupliang hawa beh ya ka thong da ye ko u pynjop deiwa kamai 78 Run na ki 14.5 Over deiwa dooh 7 Wicket. Na kiwa Bat yong ka, u Richest Star Dhar da kamai u 24 Run na ki 24 bol, pynbood won da u Oniwanker Sna uwa kamai 23 Run na ki 20 bol. Na kiwa kawang bol ka The Legend (Lissi Pearl), u Callten Sari wa u Dachange Mi Phawa da yoh ki u pynhaap mar 2 Wicket samen.
Yei naam Man of The Match da yoh da u Greatestful Lyngkhoi uwa yalehke ka Goodwill Mupliang.
Ka yalehke Semi Final wa ar u man ko ha ka 04-04-2026 hapyrdi ka Lion Y&SA pyrchah ya ka West Jaintia Police CC ha Khliehtyrchi Mini Stadium, heipor 9:00 waje i step.
Ya ka Digital Live Score yong kani ka League ye phi u pait ha https://cricheroes.com/tournament/1881561/wjhdca-district-cricket-league-2026/matches/live-matches.
Discussion about this post