Ka Mowkaiaw CYC da yoh ko wow psiah cha ka Final yong ka District Cricket League 2025 wa pynlai da ka West Jaiñtia Hills District Cricket Association deiwa pynrem ya ka West Jaiñtia Police CC da 14 Run ha ka Semi Final wa nyngkong ynne ka sngi.
Ya ka kylla khlem da jop da ka Mowkaiaw kawa da jied wow Bat nyngkong wei da kamai ko 101/8 na ki 20 Over. U Todan Rymbai da yoh u 22 Run na ki 15 bol deilang kawi ka 6 Run wa 3 tylli ki 4 Run, u Kitboklang Lyngdoh da yoh u 21 Run na ki 25 bol deilang 3 tylli ki 4 Run, u Bundaki Lynthong won da yoh u 20 Run na ki 15 bol deilang kawi ka 6 Run wa kawi ka 4 Run. Na kiwa kawang bol ka West Jaiñtia Police, u Dabiang Marwein wa u Loverist Langbang da yoh ki wow pynhaap mar 2 Wicket samen na ki 4 Over.
Ka West Jaiñtia Police hawa beh ya ka thong da ye ko wow kamai 87/9 na ki 20 Over. U Bishal M Sangma 17(10), u Sauni Nongtdu 12(12) wa u Devention Lyngdoh 12(32) toh du ki donhi wa ye u kamai palat 10 Run. U Sanvert B Kurkalang wa u Kitboklang Lyngdoh, kiwa kawang bol yong ka Mowkaiaw da yoh ki u pynhaap mar 3 Wicket samen na ki 4 Over.
U Kitboklang Lyngdoh deiwa lehbha da ka Bat wa ka bol da yoh u yei naam Man of the Match.
Ka yalehke Semi Final wa ar u man ko ha kani ka 17 tarik hapyrdi ka Ummulong SC pyrchah ya ka Mupliang SC heipor 8:30 i step.
Ya ka Digital Live Score yong kani ka Semi Final ye phi u pait ha https://cricheroes.com/tournament/1406553/wjhdca-district-cricket-league-2025
Discussion about this post