15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Dooh ar tylli ki mynsien ha i tyrrah kari ha Mookyndur

0 Comments

Jowai: Ynnin i miet ka 11 tarik ha Mookyndur da em ar tylli ki kaam ya tyrrah kari heiwa da dooh yei mynsien yong ki ar ngut ki bru.

Ha ka tyrrah kari wa jia nyngkong heipor kamwa 10:30 i miet ka wi ka Maruti Alto wa em ya u number ML05 L 6999 wa yah da u Phi Laloo da li tyrrah ko na dien yong ka wi ka truck wa pynyeiñ ha rood sarok wa em ya u Number AS 01 EG 8533 wa yah da u Mechanki Pala.

Ya uwa yah kari da kit ya oo cha Nazareth Hospital, Shillong tangwa sñiawsih won wa u Phi Laloo won ynne ka janmiet da khlad u.

Ha Mookyndur biang ka wi ka Bus Night Super wa em ya u Number AS 01 FC 9299 yong ka Deep Travels wa yah da u Surojit Singh kawa wan na Guwahati yow lai cha Silchar da tyrrah ko ya i chram yung wa ya uwi u dieñ.

Ha ini i jia uwa yah ya ka Bus, u Spare Driver wa u Handyman da mynsoo ki malum malæ katwa uwi uwa chong hapoh ka bus uwa tip kam u Anand Kumar da khlaad u neidaw wa joor wa mynsoo u.

Ya kiwa mynsoo da kit ya ki cha Shillong yow yoh ki yei sumaar katwa kiwi won wa thmu u lai cha Silchar da ku ki da kiwi tawon ki kari yow poi ki cha yung.

Share this:
Previous

Ym emkaam de u lai cha Yung krehkaam u DC ka WJH hawa thooh kot thooh sla

Next

Rah ka NSS-KNGC yei naam wa le ha ka yakop hapoh ka ri-mihsngi