15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Dooh burom ka JHADC wa hap khang ko yaka VMart: President JTTA

Advertisement ad1
Advertisement ad1

Jowai: Heiyatoh wa i lai khang syndet ka JHADC yaka VMart wa em ha Ladthadlaboh, Jowai neidaw wa da wai yaka pyrchah yaka aiñ khlem yoh bor næ ka NOC naka JHADC iwa hei yong sakhiat toh u su ko kamwa T. 2 lak nalor wow pynthymme khlieh u snem. Neiliang ka seiñ Jaintia Tribal Traders’ Association (JTTA) won pynsñiaw ko yei phylla deiwa ong, hanpaya la kattu da lai ki por ki snem leh i yatoh kani ka yaw VMart waka District Council dang man i ha suiñ donhi, iwa pynyoo leh wa i rukom krehkaam ka Council wym em lai bait ki katkam i rukom wa toh.

Hajrong ini, ka seiñ da pynkynmoo ko wa chwa wow wai ya kani ka yaw leh neiliang yong ki da pyrchah joor ki heiwa da kyntu ki leh yaka Council wym toh u e laad wow wai yaka.

“Hadooh kamwa le sien lai yachem ka seiñ wa ka EC ka JHADC wa yahkhmat da u Madonbai Rymbai kam u CEM ha u snem 2018, i yaklam da man ko kawa rap chit wei heitæ wot u Madonbai Rymbai da sai u yaka chithi wada kyrpaad ka Dorbar Chnong Ladthadlaboh yaka Council wow e NOC ya kani ka VMart iwa da kdaw leh wa kani ka VMart da kular ko u e kreh e khih yaki khon ka chnong kamjooh leh u e ko ka Donation yaka chnong wa kiwi kiwi de, hadien wa dep puræ u CEM yaka chithi, kam ka seiñ ym sñiaw em laad de i deiwi tawan, man kamwa theh da ka um wa dait wei da hap i wow liwan yaamrem,” ong u President ka JTTA u Iatha Najiar.

Tangwa hadien waka seiñ yoo won ko wada lai khang, sñiawphylla ko wa kammon ha kitai ki snem ka EC da e laad ko wow wai wot khlem biang ki kot ki sla.

Kamtæ heiyatoh wa ini i rukom krehkaam ka Council i wym em lai bait katkam i rukom wa toh, ka seiñ da pynrap ko wa toh sakhiat u e da ka CBI Inquiry yaka JHADC kamwa dawa u State President ka BJP u Ernest Mawrie.

Tangwa ka CBI Inquiry wym toh du yaka EC wa katni, wot yaki EC kiwa da lai, khnang yow chem yeiwa sakhiat wot hadooh i pynkreh yaka Iawmusiang Market Complex kawa da sahteiñ da ki boon snem nalor kiwi kiwi ki kaam.

Heijooh i por neiliang ka seiñ kyntu ko yaki paidbah wym toh u sñiawthooh bakla ki, ka seiñ wym em yieñ ko na kawon kawon ka Party, tangwa neibynta i emkaam wei i hok u paidbah ka ri-loom Jaiñtia.

Share this:
Previous

Yoh COVID-19 u Minister ka Road Transport & Highways

Next

E khublei lehniam Behkymphui 2020 ka Seiñ Kyntu Seiñ Raij 12-Daloi