Shillong: Kawi ka manbei kawa chong dai dukan ha rood sarok hajan ka Rhino Museum, Rilbong Point da dooh ko yei mynsien hadien wa chah tyrrah ko ha ka kari Maruti EECO kawa em ya u number ML05 D 6195.
Ini da jia i heipor 10:50 i sngi wei kani ka kari toh kawa thmu wow lai cheiliang Civil Hospital, Shillong tangwa neidaw wa pynhær kari ware manda poi ko ha i thaw ka MES Pump da ku ko cha i thaw wa chongdai kani ka manbei wa tip kam ka Pinky Begum 22 snem kawa sah ha Nongsohphoh, Upper Mawprem kawa da khlaad ko pyn heini i thaw wei da mysoo u khon ko uwa dang 4 snem wa uwi u bru wa lai luti na ka tai ka thaw uwa tip kam u Vikash Nath 31 snem uwa da mynsoo joor na ki bynta ka kjat.
U Superintendent of Police uwa pait ya ka pyllai kari, u Nangkiew Syiem da pyntip u wa ki pulit da kem ki ya kani ka kari wa uwa yah ya ka u Santosh Biswa wei da phah leh ya oo cha ki doctor wow leh test neibhah da suba toh wa muaid u. Ya kiwa mynsoo da pynkit noh cha NEIGRIHMS yow yoh ki yei sumaar.
U Nangkiew da pynsñiaw u leh yeiwa yoophylla wa ki paidbah wa boon boonkaam ki heiwow chondur wei wow riñ video heithaw wow yarap ki ya kiwa mynsoo wei du hadien wa wan ki pulit da ye u pynkit noh ya kiwa mynsoo cha Hospital.
Discussion about this post